簡單。海蝦粉絲煲
呢排街市嘅海鮮真係好抵食，又平又靚！忍不住响大埔街市自己動手揀咗十隻游水海蝦，返去煮粉絲煲俾小B食因為佢最鍾意食
大家煮粉絲煲可以用沙嗲醬或最簡單的鼓油跟魚露作調味就可以！我下次都試下只落水代替上湯，因為我睇完電視話煮海鮮最好用水，才會令蝦釋放出鮮美的！我今次係用雞湯的！大家可以試試
另外，若然對煮食有嚴格要求的朋友，可能又會話我點解唔用沙窩去煮
我從申一次，少弟從來無學過什麼煮食班，一切知識來自平日對食物的觀察！亦無大廚房及齊全工具！我的理念係有咩就煮咩，一切從簡！味道一定比不上利苑酒家，精緻不過四季酒店，材料步驟也一定少過你本烹飪書！我的廚藝就係咁簡單
材料「二人份量」：
。海蝦，8～10隻，挑腸去腳，用少少紹酒及胡椒粉醃30分鐘，備用！
。花菇，兩隻，用熱水浸軟，切絲，浸菇水留起備用！
。芹菜少許，切段！
。薑片兩塊
。蒜蓉少許
。黑胡椒粒，一茶匙！
。小包粉絲，1包，用熱水浸軟備用！最好用鉸剪剪兩刀，方便炒匀！
。煲仔飯鼓油，1湯匙！
。魚露，半湯匙！
。雞湯，半碗
煮法：
。先用廚紙吸乾蝦身，爆香薑片，落蝦煎至兩面變紅色，剩起備用！
。原鑊落點油，爆香蒜粒及黑胡椒，下芹菜炒匀，蝦回鑊炒匀，落粉絲及上湯，蓋上至大滾！
。開蓋炒至乾水，落鼓油魚露炒匀熄火上菜！
Search